< KTHEHU
Duke u shpalosur
11-12 TETOR 20:00
TANZMAINZ
Për shumë vite, Philippe Kratz ishte një nga kërcimtarët më me ndikim në kompaninë italiane të vallëzimit, Aterballetto. Sot, pas përfundimit të karrierës së tij aktive si kërcimtar, ai përdor këto aftësi për të zhvilluar stilin e tij të veçantë artistik si një koreograf i vlerësuar në rritje. Në vitet 2014, 2017 dhe 2022, revista TANZ e quajti një nga personat më të shquar në fushën e kërcimit. Revista italiane Danza& Danza e emëroi Koreografin e Vitit në Janar 2020.
“Duke u shpalosur” është një vepër dhjetë minutëshe që ai zhvilloi me një kuartet nga ansambli Tanzmainz. Gjuha tepër e saktë dhe veçantë e trupit, që kërkon një nivel të lartë të aftësive teknike nga kërcimtarët, zhvillohet në marrëdhënie të vazhdueshme me hapësirën. Repertori i solo-ve mjaft komplekse evoluon në një grup artistik dhe të ndërlikuar, ndërsa intensiteti dhe lineariteti rritet. Grafika trupi në përsosmëri - ky është Philippe Kratz.
© Andreas Etter
Premtim
11-12 TETOR
TANZMAINZ
Sharon Eyal është një koreografe shumë e kërkuar në botë dhe ajo gjurma e saj e pangatërrueshme për shumë njerëz është shndërruar në ikonë. Ajo kërkon të jashtëzakonshmen nga ansambli i valltarëve, dhe kombinon fiziken e baletit me muzikën elektronike. Pas “Plafona tani” dhe “Zinxhir shpirtëror” që pati një sukses të madh ndërkombëtar, “Premtim” është premiera e tretë botërore e Sharon Eyal me kompaninë Tanzmainz dhe vazhdimi i zhvillimit të aftësive të saj. Koreografja e lindur në Jerusalem punoi për gjashtë javë me shtatë valltarë në një proces tejet intensiv. Me këtë krijim, ajo e çon në ekstrem ndërveprimin kompleks të disiplinës dhe përkushtimit, formulën magjike të kërcimit.
Në skenë, një grup njerëzish lidhen me njëri-tjetrin në mënyrë të pandashme, here herë edhe si një trup i vetëm. Në një botë hijesh, figurat varen nga njëra tjetra – kufizim dhe dashuri, afrimitet dhe dëshirë, ekstazë dhe vetmi – gjithçka duket e mjegullt e megjithatë qartësohet në momente të shkurtra të çmuara. Vepra e fundit e Sharon Eyal është rezultati i reduktimit të përhershëm të të gjitha mjeteve. Edhe më shumë se veprat e saj të mëparshme, “Premtim” është si një ëndërr. Imazhe pothuajse të pabesueshme zhduken aq shpejt sa erdhën, duke u ngulitur në kujtesën e shikuesit. 50 minuta si një shikim i përjetësisë...
© Andreas Etter
